Visita do escritor Xose Lois García Fernández ao CEIP A Gándara

Onte recibimos na nosa biblioteca a visita do escritor galego Xose Lois García Fernández, que acudiu a noso centro a impartir unha charla para o alumnado de 6º de Primara sobre as Letras Galegas, Rosalía, Neira Vilas e Manuel María.

Xose Lois García naceu en Chantada en 1945, licenciouse en Historia Contemporánea na Universidade de Barcelona. Exerceu de profesor e actualmente é o director do Arquivo Histórico de Barcelona e responsable do Patrimonio Histórico do Ayuntamiento de San Andreu de la Barca (Barcelona).

Divulgador da cultura galega en Cataluña, conferencieante, articulista, crítico literario e de arte, a súa obra de ensaio está composta por oito libros de diferentes temáticas. É autor de quince libros de poesía, creador de literatura infantil e de teatro, especialista en literatura de expresión portuguesa en África (viaxou a este continente en varias ocasións) e autor de antoloxías poéticas de Portugal, Mozambique, Angola, Guinea-Bissau, Macao e Brasil. A súas publicacións sobre literatura e historia están recollidas en diversas publicacións.

En 2018 presentou o poemario "No soño dos ollos" e os libros de teatro "O proceso a Lucía Fidalgo" e "Auto do demo e da viñateira".

Contacontos O BIGOTE DE MIMÍ - Consorcio Editorial

HOMENAXE A MANUEL MARÍA DA COMUNIDADE EDUCATIVA DO NOSO COLEXIO.

GALICIA

MANUEL MARIA, GALICIA from biblioteca gandaralemos on Vimeo.

BIOGRAFÍA EN PICTOGRAMAS DE MANUEL MARÍA. LETRAS GALEGAS 2016

 O autor homenaxeado é Manuel María é un escritor moi importante na nosa zona.

Aquí podedes ver a súa biografía con pictogramas, así tódolos nenos/as poderán coñecer os aspectos máis importantes de súa vida.

CANTAMOS A MANUEL MARÍA

OUTRA MUSICAL LIGAZÓN CON POEMAS DE MANUEL MARÍA.http://msolbarreira.wix.com/cantamosamanuelmaria

Fixádevos no rap de Manuel María, Seguro que vos gustará!!  A curtametraxe que tedes abaixo explica esta "aventura educativa" levada a cabo na aula de 4º do CEIP  Antonio Fernández López de Oural, Sarria.

ACTIVIDADES SEMINARIO GALÁN PARA O ANO DE MANUEL MARÍA.

 Para achegarnos á figura do autor homenaxeado o Día das Letras que, como sabedes, este ano é Manuel María, o  profesorado do Seminario Galán elaborou  unha chea de actividades orientadas ao alumnado de Educación Infantil e Primaria para realizar sobre papel impreso ou en liña.  Premendo sobre a imaxe pódese acceder ás diferentes propostas con indicación do nivel para o que están adaptadas.
Ánimo... son moi interesantes!

TELEXORNAL MANUEL MARÍA

Un fantástico Informativo monográfico sobre Manuel María realizado no CPI dos 

Dices-Rois. Moitos parabéns para este traballo tan ben realizado!!... un 

complemento imprescindible para axudar a entender a súa vida e obra ao 

alumnado e profesorado.

CLUB DE LECTURA GANDULÉS 3º TRIMESTRE 2016

                                      MES DE MARZO NO CLUB DE LECTURA

Alumnos de 5º de E.P recitan os seus poemas favoritos do libro Os soños na gaiola, de Manuel María.

"O CHIFRE"

Outro dos actos organizados o pasado venres foi protagonizado polo grupo de teatro, que representou a obra "O chifre" baseada nun poema de Manuel María, autor a quen se lle adica o Día das Letras Galegas deste ano. A obra será estreada para o público en xeral o próximo vernes 29 de Abril na Casa da Cultura Lois Pereiro.

 Aquí podedes ver un adianto.

RECITADO AO PÉ DA ESTATUA DE MANUEL MARÍA.

ACHÉGASE O DÍA MUNDIAL DO LIBRO. ACTIVIDADES PROGRAMADAS.

"Un libro é un vínculo entre o pasado e o futuro. É unha ponte entre xeracións e entre culturas. É unha forza para crear e compartir a sabedoría e o coñecemento" 

 Mensaxe de Irina Bukoba,  

AS ACTIVIDADES  PROGRAMADAS NO NOSO COLEXIO SON:

DÍA DE ROSALÍA: RECITADO NA BIBLIOTECA: FOTOS E VÍDEOS

 ALUMNADO DE 6º NA BIBLIOTECA MUNICIPAL

VÍDEO DO POEMA DE 6º

CONCURSO: ROSALÍA SEMPRE VIVA

Neste vídeo vemos os finalistas da 1ª fase do concurso (no noso colexio)  convocado pola Casa-Museo Manuel María. Este concurso ten como finalidade a potenciación da expresión oral e a creatividade do alumnado a través do coñecemento e recitado da obra de Rosalía de Castro e de Manuel María, para celebrarmos así o aniversario da nosa escritora máis universal.
 O concurso consistiu no recitado dun único poema por  participante escollido libremente entre a obra en galego dos dous autores.

 A fase final celebrarase na Casa-Museo Manuel María (Outeiro de Rei – Lugo) o sábado 27 de febreiro e incluirase dentro dun conxunto de actividades sobre Rosalía (audiovisuais, exposición...) coincidindo co aniversario da escritora. 

 Irán a fase final representando á Gándara:

•      Valentina e Lola, categoría 1 
•      Paula e Abel, categoría 2 

TRES POEMAS DE AMOR DE MANUEL MARÍA RECOLLIDOS NO LIBRO " CANCIONEIRO DE MONFORTE DE LEMOS"

A vida non ten senso sen amor

a vida non vale nada sen tenrura

...

En Monforte amiga miña

agromou o noso amor.

E foi semente e espiga

de desmedido grandor

...

Amo esta terra cruzada

 polo Cabe, melro máxico,

canción que aquece

e enche o corazón.

...

UNHA VIAXE A TRAVÉS DO TEMPO COS COMPADRES E COMADRES

Seguindo a tradición do entroido en Monforte nas aulas do ceip A Gándara  elabóranse "bonecos" para o xoves de compadres e comadres. A temática deste ano: "A viaxe a través do tempo" e Mulleres que fixeron historia" Lembramos a historia da nosa cidade cos compadres Condes de lemos e comadres Inés de Castro. E para completar os poemas que MANUEL MARÍA lles adicou no libro "Cancioneiro de Monforte de Lemos"

"

Máis fotos e información na web do colexio e no facebook https://www.facebook.com/agandara.ceip/

MANUEL MARÍA : ROTEIRO LITERARIO E RECURSOS

 MANUEL MARÍA foi un gran escritor galego que viviu durante case 40 anos en Monforte de Lemos. Visitou en varias ocasións o colexio de A Gándara e aquí temos lido,cantado, recitado,bailado, representado.. varias das súas creacións literarias,  Morreu no ano 2.004. O

 académico  cumpriría o pasado 6 de outubro 86 anos. 

O PRÓXIMO ANO 2.016 SERÁ O ANO DE MANUEL MARÍA XA QUE SERÁ O AUTOR A 

QUEN SE LLE ADICARÁ O DÍA DAS LETRAS GALEGAS.

Dende os equipos de Dinamización da Lingua Galega e   Biblioteca pretendemos dar a coñecer e render homenaxe a este personaxe histórico da nosa localidade.

Para empezar damos conta de dúas ligazóns:

  http://www.casamuseomanuelmaria.gal/portada.htm  con moita información e recursos didácticos.

Crónica da visita ao Monforte de Manuel María

celebrado o   pasado 8 de novembro e organizado por  O colectivo de bibliotecas Lemos Le  e a Asociación Cultural de Sober.