mércores, 27 de abril de 2016

CLUB DE LECTURA GANDULÉS 3º TRIMESTRE 2016


                                      MES DE MARZO NO CLUB DE LECTURA





Alumnos de 5º de E.P recitan os seus poemas favoritos do libro Os soños na gaiola, de Manuel María.

luns, 25 de abril de 2016

"O CHIFRE"

Outro dos actos organizados o pasado venres foi protagonizado polo grupo de teatro, que representou a obra "O chifre" baseada nun poema de Manuel María, autor a quen se lle adica o Día das Letras Galegas deste ano. A obra será estreada para o público en xeral o próximo vernes 29 de Abril na Casa da Cultura Lois Pereiro.

 Aquí podedes ver un adianto.

Exposición literaria e mural de Cervantes

Outra das actividades realizadas para conmemorar o  día do Libro. O alumnado do noso centro disfrutou dunha exposición de libros seleccionados con 3 temáticas: Don Quijote, Historia e personaxes históricos e Manuel María. Ademáis os alumnos Alejandro e Nerea explicáronlles aos seus compañeiros a vida de Miguel de Cervantes a partir dun mural elaborado polos seus compañeiros/as de 4º de Primaria.

venres, 22 de abril de 2016

Enchemos o patio de "madriñas e padriños de lectura" no Día Mundial Do Libro


A gran festa da lectura que levamos anos facendo nesta data, resultou coma sempre unha tenra, emotiva e educativa actividade. Só hai que mirar as expresións dos rostros  de afilladas e afillados ante os seus padriños lectores.
PARABENS PARA TODOS!!! E... FELIZ DÍA DO LIBRO!!!

OS LIBROS SON PARA VALENTES



Texto agasallo do escritor Pedro Feijoo para as bibliotecas escolares no día do libro.
Premendo na imaxe de abaixo podedes acceder a materiais e actividades das bibliotecas escolares.






RECITADO AO PÉ DA ESTATUA DE MANUEL MARÍA.


xoves, 21 de abril de 2016

venres, 15 de abril de 2016

ACHÉGASE O DÍA MUNDIAL DO LIBRO. ACTIVIDADES PROGRAMADAS.



"Un libro é un vínculo entre o pasado e o futuro. É unha ponte entre xeracións e entre culturas. É unha forza para crear e compartir a sabedoría e o coñecemento" 

AS ACTIVIDADES  PROGRAMADAS NO NOSO COLEXIO SON:



martes, 12 de abril de 2016

CERTAME DE CREACIÓN LITERARIA E ILUSTRACIÓN MESES DO LIBRO E LETRAS GALEGAS 2016

Como xa sabedes cada ano convocamos no mes de abril (o mes dos libros)  o Certame de Creación Literaria e Ilustración Letras Galegas. Este ano vai de animais. Así que poñede a vosa imaxinación e bo facer a funcionar e preparade un bo conto con bonita ilustración. Continua lendo e observando para ter máis información e ideas.

ESTE É O NOSO CARTEL CON ILUSTRACIÓN TOMADA DO CARTEL DO



 A narración e a ilustración, xuntas ou por separado tamén se poderán presentar ao  CERTAME DE NARRACIÓN E DEBUXO INFANTIL Letras Galegas 2016 da Biblioteca Municipal e Provincial. Nese caso farase unha copia que será a que quede no centro formando parte dun libro colectivo por clase. 

E se o que queremos é facer unha viaxe a través do tempo na nosa historia pois adiante!  Aló cando os animais falaban...    

Cartel da convocatoria  das Bibliotecas Públicas

MÁIS IDEAS PARA OS TRABALLOS


LEDE BEN AS BASES

CARTEL DO SALÓN DO LIBRO DA ILUSTRADORA  María Álvarez "Yupiyeyo"



venres, 8 de abril de 2016

O PAPAGAIO. Un xornal escolar mensual


 O PAPAGAIO. Un xornal escolar mensual, nace co obxectivo de achegar aos nenos e nenas de todo o país toda esa información que adoitan ver e escoitar decotío, pero dun xeito máis apropiado ás súas idades e ás súas inquedanzas, nun formato novidoso como é un xornal.
Este proxecto vén da man do Estudio Carreiro e o seu selo Edicións MOITO CONTO, onde, á parte do traballo de Pepe e Abraham Carreiro, tamén atopamos destacados colaboradores que se encargan das diferentes seccións.

Xa está dispoñible o número 0, totalmente de balde, que podedes visualizar na seguinte ligazón: 


http://www.flipsnack.com/opapagaio/o-papagaio.html

xoves, 7 de abril de 2016

8 de Abril - Día Internacional Do Pobo Xitano


El 8 de abril se celebra en todo el mundo el Día Internacional del Pueblo Gitano (International Roma Day). 


Esta fecha, recuerda el Congreso Mundial roma/gitano celebrado en Londres el 8 de abril de 1971 en el que se instituyó la bandera y el himno gitano . 



Desde hace unos años el '8 de abril' está adquiriendo gran notoriedad, sirviendo de ocasión para distintas celebraciones y comunicaciones por parte de múltiples instituciones nacionales y europeas.



La Fundación Secretariado Gitano participó en la organización de actos conmemorativos en todo el territorio nacional, con lecturas de manifesto, ceremonias en el río y recepciones locales y territoriales. Se sumó a los actos oficiales, y en Madrid llevó a cabo una acción de calle reivindicativa para escenificar un basta ya a la discriminación



Recomendamos a lectura do libro PATATITA, de Pilar Molina Llorente

Tamén podemos ler o conto xitano deste enlace





venres, 1 de abril de 2016

FELIZ DÍA DO LIBRO INFANTIL: "ADOPTA UN ANIMAL DE CONTO"


Hoxe día 1 celebramos o día do libro nas aulas coas  actividades programadas . 
Gustou moito a proposta de ADOPTA UN ANIMAL DE CONTO. 
Pronto mostraremos os  moitísimos  animais adoptados. 
Grazas profes e estudantes pola vosa colaboración. Sabemos que non contabamos con moito tempo..