luns, 21 de novembro de 2016

Actividades para conmemorar o día contra a Violencia de Xénero

¿Hay algo más aburrido que ser una princesa rosa?


¿Hay algo más aburrido que ser una princesa rosa? 
En lengua de signos


Aquí temos unha ilustración da Princesa Carlota en branco e negro para que o noso alumnado poida vestila como desexe, deixando voar a imaxinación e a creatividade pensando nos novos soños e aspiracións da princesa. 

Podemos elaborar un mural con todos os vestidos da princesa Carlota



SUPERLOLA


ARTURO Y CLEMENTINA


LA PELUCA DE LUCA

http://lapelucadeluca.com/


venres, 18 de novembro de 2016

Magosto 2016

O pasado martes 15 de novembro celebramos o tradicional magosto no noso centro.
Pola mañá realizamos unha xornada de xogos populares e tradicionais, e pola tarde degustamos riquísimas castañas acompañadas de chocolate quente e biscoito.


venres, 11 de novembro de 2016

Concurso de Debuxo Infantil de Manuel María

A nosa alumna de 5º B Salma resultou gañadora no concurso de debuxo infantil adicado a Manuel María organizado polo Concello de Monforte.

Neste concurso participaron nenos e nenas de 4º e 5º de Primaria de todos os centros de Monforte. No seguinte vídeo podedes ver os traballos presentados ao concurso e a continuación algunha foto da entrega de premios na biblioteca do centro.








luns, 7 de novembro de 2016

Novembro: Mes da Ciencia en Galego




A Arquitecta Isabel Aguirre de Urcola, Premio de Ciencia "María Josefa Wonenburger"- 2015, foi a científica convidada este ano para a elaboración do "Manifesto" a favor da ciencia en galego nas bibliotecas, que se edita e se distribúe polas bibliotecas de Galicia. Na presentación, Isabel Aguirre insistíu na importancia das bibliotecas como espazos de depósito do coñecemento, na diferencia entre información e coñecemento e na importancia de aprender a ciencia en galego nas escolas. Incidíu na sorte que temos os galegos de podermos contactar na nosa lingua con millóns de persoas por todo o mundo "algo que deberíamos darlle máis valor". 

“Solo el que sabe es libre, y el que más sabe es más libre”. 
Miguel de Unamuno 


Encántame a definición da ciencia como un sistema de coñecementos ordenados. Cando os nenos preguntan insistentemente, e ás veces fastidiosamente, “por que?”, están establecendo as bases dos seus coñecementos. Amplialos e ordenalos será unha tarefa que poderá enriquecelos ao longo da súa vida. Porque unha das marabillas do pracer de aprender é que nunca se termina de aprender. 

Penso que todos nós deberiamos de ser conscientes de que construír un futuro para o noso país é construír un futuro para o mundo, e esa construción haberá de basearse na sabedoría daqueles que nos precederon, pero tamén na daqueles que están a traballar, a investigar e a descubrir todos os días. 

Os coñecementos científicos marcan a historia da humanidade no seu sentido máis amplo, xa que esta non podería entenderse se non o fose dende o desenvolvemento da tecnoloxía baseada sempre na ciencia: dende a agricultura á máquina de vapor e aos voos espaciais. 

Ao tempo, os humanos temos un instrumento único para á transmisión do coñecemento: a linguaxe. Unha linguaxe diversa e rica ao longo do mundo e que para os galegos é especialmente vantaxosa, xa que, unida ao noso irmán o portugués, podémonos entender con 280 millóns de habitantes, e aínda máis, cos 400 millóns que falan español. Somos ricos en número, está claro, pero ademais somos ricos en matices, en xiros, en sutilezas. Esta riqueza da nosa lingua estou certa de que nos axuda a ver o mundo dende a reflexión e a dúbida. Non é acaso esta actitude a clave para nos aproximar ao coñecemento? 

A globalización na que vivimos é tamén outra enorme vantaxe para achegarnos ao coñecemento. Un coñecemento que está recollido basicamente na inxente bagaxe das nosas bibliotecas, a día de hoxe moitas delas públicas, e tamén, e cada vez máis, dende a facilidade das comunicacións informáticas. Hoxe vivimos en Galicia, e dende Galicia vivimos no mundo.

Isabel Aguirre de Urcola
Arquitecta
Novembro 2016

DÍPTICO


sábado, 5 de novembro de 2016

SAMAÍN 2016

Neste vídeo podemos ver un resumo das actividades realizadas na nosa biblioteca para conmemorar o Samaín.

A nosa auxiliar de conversa Kyra explicounos como se celebra o Halloween nos EEUU. 

A mestra Gloria e o alumnado de 6º contaron contos ás escuras, o alumnado de 1º e 2º de Primaria representaron dúas obras de teatro, e a mestra MºJosé contounos como perderlle o medo aos monstros. 

Tamén os alumnos de 6º nos agasallaron cunha versión da melodía da Familia Addams coa letra adaptada pola profe de música Vanesa. 

Ademáis, e como todos os anos, tivemos a tradicional exposición de cabazas.