martes, 17 de marzo de 2015

OBRADOIRO MULLERES DE LEMOS: MARÍA CASTAÑA.

É unha actividade feita en colaboración co  CIM (Centro de Información da Muller ) de Monforte e o colectivo “Lemos le”. Este obradoiro ten como obxectivo promover a igualdade entre mulleres e homes desde pequeniños , e a protagonista na edición do 2015 é MARÍA CASTAÑA. 
O curso pasado adicaramos a nosa investigación a INÉS DE CASTRO e o resultado pódese ver  no fermoso libro Inés de Castro, unha muller para o 8 de marzo do que temos varios exemplares na biblioteca. Estes días nas aulas e na Hora de ler é a lectura conxunta recomendada.
Podemos ver máis información na páxina web do concello Un obradoiro para que os e as escolares coñezan a María Castaña . 

      Lucía Núñez Álvarez, sicóloga do CIM ten preparado unha MOI INTERESANTE PRESENTACIÓN  que nos lembra o por que do 8 de marzo e a historia de MARÍA CASTAÑA. Sabemos que Xosé do concello ten tamén colaborado nas investigacións para darnos a coñecer esta muller  loitadora orixinaria da nosa comarca.

 Premendo na imaxe  tamen podes acceder á presentación.


xoves, 12 de marzo de 2015

Preparando a visita de Magín Blanco

Pronto recibiremos a visita do cantante e compositor Magín Blanco, pero mentres, esperámolo ensaiando algunha das súas cancións.

luns, 9 de marzo de 2015

Entroido 2015 CEIP A GÁNDARA

Xa podedes gozar visionando o vídeo do entroido 2015, que tivo como eixe central o cine. Agradecemos aos metres e mestras e familias a súa colaboración.

domingo, 8 de marzo de 2015

DÍA DA MULLER



II CERTAME DE DIVULGACIÓN MULLERES DE LEMOS: María Castaña

 Coincidindo co día da Muller,  o colectivo Lemos Le do que forma parte a nosa biblioteca acaba de convocar o novo Certame de divulgación mulleres que este ano adicamos á María Castaña.
 Para máis información sobre esta e outras actividades que este colectivo organiza visitade o seu novo blog  http://lemosle.blogspot.com.es/