FELICITACIÓN DE NADAL

BASES DO CERTAME DE POESÍA

Certame  Poesía Infantil Nadal 2011

A Biblioteca Gándara Lemos do colexio A Gándara convoca o Certame de Poesía Infantil "Nadal 2011", de acordo coas seguintes Bases:

1.     Pode participar todo o alumnado con poemas sobre o tema xenérico de "O NADAL"

2.     Establécense catro categorías:                                                                              A -->Infantil         B --> 1º ciclo       C-->2ºciclo        D-->3º ciclo

3.     Os poemas estarán escritos en galego e a súa extensión será como máximo un folio por unha sola cara. Serán descartados os traballos con fallos ortográficos, ilexibles ou deficiente  presentación.  Cada traballo, acompañarase dunha folla co nome e demais datos do autor ou autora.

4.     O prazo de presentación de traballos rematará o 20  de decembro de 2011 debendo ser entregados na BIBLIOTECA.

5.     Un xurado  seleccionará por cada categoría un máximo de tres traballos. Os autores seleccionados recibirán cadanseu diploma e agasallo.

6.     Todos os traballos presentados participarán na fase local do Certame convocado pola Biblioteca Pública Municipal.

7.     O fallo do xurado  farase público o día 21 .

RECURSOS PARA O NADAL

Moi interesante o especial nadal da Coordinadora de equipos de normalización e dinamización linguística: vídeos,cartas,cancións,panxoliñas,tarxetas,discos,libros,karaokes...
http://www.coordinadoraendl.org/nadal2011/recursos/index.php?ancho=1525&alto=857

CONTOS POPULARES, VACAS, CANS E NARRADORAS SORPRENDENTES

Quintín do grupo Trícole non puido vir ao noso colexio como estaba previsto  xa que a súa vaca  púxose a parir  no momento máis inoportuno. Pero non nos quedamos sen saber "o por que de que os cans se uliquen o cu cando se atopan" xa que a nosa xefa de estudos,Gloria tamén é unha boa coñecedora da tradición oral da nosa comarca grazas ao seu avó que foi quen lle contou unha versión dese simpático conto popular; por certo bastante distinta da do Quintín que tamén nola narrou.

Outra sorpresa no día: A SORTE DE ESCOITAR A TERESA GRAU a quen non coñeciamos, e que resultou ser ademaís de veciña dende hai un ano da nosa comarca e membro de Trícole, unha narradora profesional excelente. Foron catro sesións de contos e lendas populares de tradición oral de distintas partes do mundo:
Zeralda y el ogro (España) 1º ciclo.
La casita (Rusia) 2º ciclo.
El viejo y la muerte  e Todo es para bien (India) El faro (Deserto) 3º ciclo.
Por qué el abeto, pino, y enebro no pierden las hojas  e El león y el ratón (Francia) Infantil.

 Ver enlace  http://www.cuentacuentos.eu/narradores/miembros/espana/TeresaGrau.htm

                
Agradecemos neste blog o tratamento que dende "La voz de Lemos "fixeron desta noticia.

25 de novembro

Para  ver, escoitar e opinar

DÍA INTERNACIONAL  PARA ELIMINAR A VIOLENCIA CONTRA A MULLER

Unha reportaxe: Formación contra a violencia de xénero (colexio de Canarias)

Un vídeo: 　"Maltrato sutil"　

Unha canción: "Ella"

Un libro e unha adaptación: El monstruo

Un anuncio curto contra a violencia machista
 

Un conto: El príncipe ceniciento

Unha historia para lembrar : "La escuela secreta de Nasreen"

Tres debuxos de alumnado de 5º e 6º que formaran parte dun calendario feito entre todos os colexios de Monforte a iniciativa da concellalía de Igualdade.

 Agradecemos ao CEIP Andrade  e ao blog Trafegando  Ronseis algunhas destas propostas .

UN POUQUIÑO DE TRADICIÓN ORAL

POR  QUE  DOUS  CANS  CANDO  SE ATOPAN  SEMPRE  SE  ULICAN  OS  CUS?

Tres persoas do grupo Trícole virán proximamente á nosa biblioteca e contaran ese e outros contos de tradición oral.
O grupo O Trícole  da asociación cultural O COLADO DO VENTO  teno recollido nun libro xunto con outros relatos, lendas, crenzas, ditos, romances, cancións, refráns ...   

http://coladodovento.blogspot.com

UN   POQUIÑO MÁIS  DE  TRADICIÓN   ORAL

A tradición oral  é a forma de transmitir desde tempos anteriores á escritura a cultura, a experiencia e as tradicións dunha sociedade a través de relatos, cantos, oracións, lendas, fábulas, conxuros, mitos, contos ...

Transmítese de pais a fillos, de xeración a xeración, chegando ata os nosos días, e ten como función primordial a de conservar os coñecementos ancestrais a través dos tempos.

Desde épocas remotas en que os seres humanos comezaron a comunicarse a través da fala, a oralidade foi fonte de trasmisión de coñecementos, ao ser o medio de comunicación máis rápido, fácil e utilizado.

A tradición oral foi fonte de grande información para o coñecemento da historia e costumes .

Na actualidade en moitas culturas só aparecen recollidas nos mellores casos en libros, audios ou vídeos. Esta perda da tradición oral debeuse e débese principalmente ao grande influxo actual dos medios de comunicación, que en moitos casos fan diminuír a comunicación familiar e a transmisión da cultura tradicional, así como a novos cambios nos hábitos da vida onde as tecnoloxías son máis valoradas que as tradicións. (da galipedia )

¿Que é orella pendella?

Con esta páxina queremos difundir a literatura popular infantil de Galicia para que siga sendo unha ferramenta educativa e de lecer para os/as galegos/as do século XXI.
Na lingua galega hai infinidade de ditos, recitados, cancións, etc. que acompañaron desde hai séculos as brincadeiras dos/as nenos/as ou as relacións entre os membros maiores da familia e os máis pequenos.