MARCE, O CARTEIRO

Marce, o carteiro from bemilladoiro on Vimeo.

COMEZAN OS ENSAIOS PARA O DÍA DA PAZ . CAMPÁS POLA PAZ EN LINGUA DE SIGNOS

Este ano estamos a ensaiar a canción "Campás pola paz". Pero unha parte da canción facémola en Lingua de Signos. Tamén engadimos pictogramas para que o alumnado máis cativo e con neae poida memorizala mellor.
Ánimo e a ensaiar!

A lingua de signos é un sistema de comunicación utilizado sobre todo entre os xordos e persoas con problemas auditivos

        Campás pola paz é unha peza músical que forma parte do libro-disco PAN DE MILLO

CLUB LECTURA ADULTOS 2ª REUNIÓN

Esta era a convocatoria

Os próximos libros do club serán prestados polas bibliotecas escolares do IES Río Cabe de Monforte, do IES de  Monterroso e da Biblioteca Pública do concello de Sober. Trátase de Peaxes de SANTIAGO  LOPO,   A praia dos afogados de DOMINGO VILLAR, Cometas en el cielo de KHALED HOSSEINI e Un día volveré de JUAN MARSÉ.

 Decidimos dispoñer de variados títulos dado que así hai máis posibilidade de elección e lectura.Moitos membros do club non poden asistir á reunión pero teñen interés nas lecturas. A próxima reunión será en torno ao día do libro.

FOMENTO DA LECTURA: MOCHILAS VIAXEIRAS E LIBROS QUE VAN E VEÑEN

Dende o mes de outubro veñen ciculando polas casas das familias de todos os cursos de primaria e infantil as mochilas viaxeiras. 

"Lecturas que van e veñen" en bolsas azuis que protexen os libros son as  que semanalmente levan as nenas e nenos de infantil. 

ACTIVIDADES MES DE XANEIRO

Libros electrónicos. NORMAS DE USO

Este curso no noso centro estamos tratando de levar a cabo o proxecto E-LBE cuxos  obxectivos son:

• Introducir os dispositivos de lectura electrónica na biblioteca.

• Facilitar o acceso do alumnado a novas prácticas lectoras, coa orientación do profesorado e nun contexto favorable á lectura.

• Coñecer distintas posibilidades de uso dentro do contexto escolar.

• Valorar, xunto co profesorado, as mellores fórmulas para a utilización dos libros electrónicos nas bibliotecas escolares.

Os 7 libros electrónicos de que dispoñemos foron prestados inicialmente ao profesorado do equipo da biblioteca e do 3º ciclo. Agora utilízanse en 6º: na Hora de Ler e Préstamo de fin de semana.

 Temos feito un tríptico coas normas de uso e documento de Autorización de préstamo.

Cargandoos na biblioteca.

A CASIÑA, CONTO POPULAR RUSO

As  mestras que estiveron asistindo durante este mes ao CURSO DE ANIMACIÓN Á LECTURA que Teresa Grau impartiu no noso colexio, demostraron ante o público de Infantil e 1º o moito que aprenderon . A actuación sorpresa que tivo lugar o venres xenerou moito interés tamén entre o público adulto. Gustou moito e foron moi aplaudidas.