Entroido 2020

O entroido chegou ao cole!! Este ano xirou ó redor do tema " O Tempo e o Clima", que é o noso proxecto educativo para este curso escolar.

Todo comezou o día 13 de febreiro co noso compadre o "Frade do tempo" e os nosos Cociñeiros e Cabaleiros de Educación Infantil. 

O compadre acadou o segundo premio no concurso organizado polo Concello e os compadriños levaron accésits.

 O xoves seguinte, o día 20 de febreiro tivemos no cole a nosa comadre "PRIMA...VERA" e as nosas comadriñas. 

 A comadre acadou de novo o segundo premio no concurso organizado polo Concello e as comadriñas levaron accésits.

Pero o noso entroido non acabou aquí, durante toda a semana seguimos as "Ordes do Meco". Pasámolo xenial!!

E por ultimo, o día 21 de febreiro chegou o tan esperado día, celebramos o Entroido no cole. Íamos todos moi guapos e os nosos disfraces quedaron moi ben, todos relacionados co proxecto do cole "O Tempo e o Clima".

Educación Infantil: Nubes e choiva.

1º Primaria: Trebón.

2º Primaria: Arco da Vella.

3º Primaria: Inverno

 4º Primaria: Verán.

 5º Primaria: Apicultores.

 6º Primaria: Abellas.

Bombeiros en Infantil

Hoxe veu MAR DOMÍNGUEZ, a xefa de Bombeiros  Monforte a facer entrega de DIPLOMAS ao noso alumnado. Á súa vez, nós tamén lle demos un montaxe fotográfico agradecendo o seu bo facer amosando o seu oficio ás nenas e aos nenos de infantil do noso cole.

Compadres e comadres na praza de España: conseguimos dous primeiros premios na categoría de colexios.

O compadre co que participamos o xoves 27 de xaneiro e co que conseguimos o primeiro premio era o personaxe protagonista da serie de televisión animada francesa Il etait une fois ...l´Homme  creada por Albert Barillé e  difundida   a partir de 1978. A serie adquiriu gran popularidade en España nos anos  80. Máis información aquí.  E se queredes ver o primeiro capítulo, nesta mesma páxina abaixo.

 A comadre coa que participamos o xoves 4 de febreiro e co que voltamos conseguir  o primeiro premio era a nosa Gandariña , a imaxe que aparece no noso blog e que nos identifica. Neste caso era GANDARIÑA NO ENTROIDO.

 Foi escollido este personaxe xa que ten relación co proxecto deste curso no colexio.